You are using an outdated browser. For a faster, safer browsing experience, upgrade for free today.

اضرار استخدام الاجهزة الالكترونيه علي الاطفال

اضرار استخدام الاجهزة الالكترونيه علي الاطفال

#بوست_الجمعه النهارده عن خناقة كل يوم في كل بيت .. الاستخدام المفرط للموبايل و التابلت

-متشيل الموبايل من ايد الواد ده ..هيعمله تخلف🤡
-هو انتي كل ما البنت تعيط تسكتيها بالموبايل 👼
- ما انتي طول ما انتي ماسكه المخروب ده في ايدك عمرك ما انتي فالحه 👺
- ممكن تسيب الزفت ده و تقوم تشوف مذاكرتك👹الشاشات و الموبايلات و اللاب توبات و التابات كلوا دماغ الولاد و البنات 😂و مبقناش عارفين ايه الصح و ايه الغلط الموضوع فعلا بقي خطيرلدرجه ان الاكاديميه الامريكيه لطب الأطفال أصدرت توصيات مخصوصه له في ٢٠١٧ و السنه دي في أبريل اللي فات برضه منظمه الصحه العالميه WHO أصدرت توصيات في هذا الشأن ..و ده معناه ان الموضوع كبر و الناس الكبيره اتدخلت 😂و ها هي خلاصه كلامهم🙂(و الجدول اللي في الصوره هيسهل القصه )

١- وقت التعرض للشاشات أو Screen time عموما لازم يبقي مقنن لأسباب صحيه و تربويه.
٢- الأطفال أقل من سنتين.. دي مرحله بناء المخ و مهارات التفاعل مع المحيطين و لازم يمنع فيها اي شاشات (مسموح لهم فقط بمكالمات الفيديو) و يجب إعطاء وقت للطفل للتحدث معه و اللعب معه وجها لوجه و حكي الحكايات .. لعب الطفل كمان مع الاطفال الاخرين مهم جدا لنمو مهارات الطفل 👨‍👧‍👧
٣- مشكله الشاشات ايضا انها قد تؤثر علي جوده النوم اللي هو مهم لنمو المخ في السن الصغير جدا
٤- الوقت اللي بيقضيه الطفل علي الشاشات بيتخصم من حاجات أفيد زي اللعب و الجري و الحركه و بالتالي ممكن يزيد الوزن و يؤثر سلبا حركياالطفل الاقل من ٥ سنوات لازم يتحرك علي الاقل ٣ ساعات كل يوم و لا يجب انه يظل ٦٠ دقيقه متواصله قاعد بدون حركه .
٥- من ٣ الي ٥ سنوات ممكن تستخدم الشاشات ساعه يوميا ( لو اقل يبقي افضل)و لكن يجب مشاركه الطفل في الساعه دي و نفهمه و نشرح له هو شايف ايه .👪
٦- من سن ٦ سنوات الي ١٨ سنه ممكن ساعتين فقط يوميا للشاشات (لو أقل يبقي افضل)طبعا سن المراهقة محتاج مش بس السيطره علي الوقت .. كمان السيطره علي المحتوي قدر الإمكان ..😏😏

شارك

Related

علاج تشنجات الوجه
علاج تشنجات الوجه
المزيد
علاج الابتسامة اللثوية بالبوتوكس بدون جراحة
علاج الابتسامة اللثوية بالبوتوكس بدون جراحة
المزيد
علاج تقلص العصب السابع
علاج تقلص العصب السابع
المزيد
افضل دكتور مخ واعصاب في مصر
افضل دكتور مخ واعصاب في مصر
المزيد
البوتكس لعلاج الشلل الدماغي
البوتكس لعلاج الشلل الدماغي
المزيد
علاج ديستونيا الفم
علاج ديستونيا الفم
المزيد
حقن البوتكس للأعصاب
حقن البوتكس للأعصاب
المزيد
علاج التصلب العصبي المتعدد بحقن البوتوكس
علاج التصلب العصبي المتعدد بحقن البوتوكس
المزيد
أسباب التسقيط
أسباب التسقيط
المزيد

كشف أونلاين بالفيديو

يمكنك الكشف أون لاين مع أ.د عمرو حسن الحسني للاستشارة أو للمتابعة من خلال فيديو كول بخطوات بسيطة

احجز زيارة منزلية

يمكنك الاستفادة من خدمة الزيارات المنزلية واستشارة أ.د.عمرو حسن الحسني بدون معوقات.

الرأي الطبي الثاني

لا تتردد في التواصل مع أ. د. عمرو حسن الحسني في حال ترددك في اتباع خطة علاج طبيبك.

أحجز ميعاد فى العيادة!