المعلومات الهامه عن أدوية السيولة و الأسبرين
١- الأسبرين و مضادات الصفائح:
-يستخدم للوقايه من جلطات المخ و القلب مضاد للصفائح الدمويه و المسئوله عن تجلط الدم.
- موضوع ان أي حد فوق سن الأربعين ياخد اسبرين علميا لم يثبت جدواه.
- الأسبرين المستخدم لعلاج السيوله هو أسبرين الأطفال ذو الجرعه المنخفضه ٧٥ و ٨١ و ١٠٠ و ليس الريفو
- ممكن يتعب المعده و غير مفضل لمرضي الارتجاع و لا يجب اعطاؤه لمرضي القرحه المعديه و ساعتها هنستخدم مضادات الصفائح الاخري.
- مضادات الصفائح الاخري تشمل الكلوبيدوجريل clopidogrel و السيلوستازول cilostazol.
- لا يحتاج المتابعه بتحليل سيوله.
٢- مضادات التجلط:
- هي مضادات لعوامل التجلط بالدم التي يفرزها الكبد .
- منها أدويه اقراص و أشهرها الماريفان Marevan و منها حقن تحت الجلد و طبعا حقن وريديه.
- الماريفان يؤخد في حالات الجلطات الوريدية و جلطات المخ المرتبطة باضطراب نبضات القلب.
- يجب متابعه الماريفان بتحليل سيوله INR و يجب متابعته بشكل دوري للاطمئنان ان الدوا شغال و عامل سيوله و الاطمئنان برضه ان النسبه مش عاليه عشان ميحصلش نزيف.
- الماريفان يتداخل دوائيا مع أدويه اخري و كذلك مع اكلات و خاصه الورق الاخضر و اللي ممكن يقلل فعاليه الدواء.
٣-الحقن المذيبه للجلطات المخيه: حقن
rTPA
- ناس كتير فاكرين جلطات المخ ممكن اذابتها بالحقن اللي تحت الجلد .. ده طبعا مش مضبوط.
- الجلطات المخيه ممكن تتدوب بحقن وريديه تتاخد في أول ٤.٥ ساعات من حدوث الجلطة و ليها شروط كتير.
- الحقن دي غاليه و الحمد لله حاليا متوفره في وحدات علاج الجلطات المخيه ببعض مستشفيات وزاره الصحه و المستشفيات الجامعية.
